Angel Eyes
الادارة
ذكر عدد الرسائل : 987
العمر : 36
الموقع : eyes.alafdal.net
عارضة الطاقة :
المهنة : 
الهواية : 
الأوسمة : 
علم بلدى : 
الجنس : 
مزاجى اليوم : 
السٌّمعَة : 12
نقاط : 59875
تاريخ التسجيل : 30/01/2009
 |  موضوع: هتلاقينى كل دول أنا68مليون مصرى  السبت 10 يوليو - 6:05 | |
| أنا منكم أنا فيكم
أناوسطكم أنا حواليكم
عايش جواكم عايش معاكم
هـــتــــــــــــــلاقيني
مع
عم أحمد الغلبان
اللي عايش يوم بيومو من
الغلا والحياه تعبان
مع الأستاذ عبدالرحمن موظف
الحكومة
وراتبه يادوب على قدو
ونِفسه وسط الدنيا مظلومة
هــــتـــــــــــلاقيني
جوه
البيت في الصبحية
عايشين بالعافية ورا
ابتسامة مستخبية
هــــتــــــــــــلاقيني
مع
الشباب فـ الشوارع مع
الشباب الضايع
ظروفهم وحياتهم أقوى منهم
اللي مدمن واللي صايع
هــــتــــــــــلاقيني
مع
الشاب المتدين الخلوق
حابسين حريته .. ورأيه ...
وفـ البلد عايش مخنوق
هــــتــــــــــلاقيني
عايش
جوه رغيف العيش الصعب
جوه وسيلة الأتوبيس وجوه
الحدث .. جوه القلب
هــــتــــــــــلاقيني
مع
الأم اللي ربت وعانت
وعلى الناس هانت
ومن قسوة الدنيا ياما شافت
وبين ولادها عاشت
وعلى تربيتهم سنينها ماتت
وفاتت
هي دي الأم الأصيلة اللي
وقت المصاعب والشدة حقيقتها بانت
هــــتــــــــــلاقيني
مع
فرحة العيد
ويهل علينا فرح جديد
ونظرة .........!
لـرب أسرة
تقول يابلدي أرحمينا شوية
ولا ماعاتش يفيد الكلام
ماهيا هيا
هــــتــــــــــلاقيني
مع
صرخة إستغاثة
من ناس إترمو فـ البحر
ويقولو أغاثة
واللي هناك عاملين موش
سامعين
وناس فـ الميه تموت
والجثث فوق بعض فـ البحر
مع الموج تفوت
هــــتــــــــــلاقيني
مع
الأسر والأهالي وبنات وأ
طفال
كلهم راحو ضحية الجشع
والإهمال
هــــتــــــــــلاقيني
بنزل
مع الدموع
قلبي مدبوح ألم وأهات
مرسومة فـ عيوني ناس تطلع
من الميه تلاتات تلاتات
وناس ضايعة
لا هيا ميتة ولا هيا عايشة
هــــتــــــــــلاقيني
مع
أب فقد كل عيلتو
وأخ يبكي على أخ هو كل
عيلتو
هــــتــــــــــلاقيني
مع
العين اللي بحرقه بـ تبكي
وناس لـ ربنا تشكي
هــــتــــــــــلاقيني
مع
الأيدين الرافعة لـ رب
العالمين تدعي
تقول يارب
إلحقونا ياخلق ياهووه
ونقولو لـ مين ونشكو لـ
مين عالم ضمايرهم غيرووه
هــــتــــــــــلاقيني
جوه
الحواري والممرات
وبين الأرصفة أمشي وبين
الناس تعرف أسوأ الحكايات
هــــتــــــــــلاقيني
بدق
على كل باب
ببان وراها صرخات عذاب
هــــتــــــــــلاقيني
جوه
شاب لسه متخرج
ومن فرصة الحياه والشغل
مفيش ليه مخرج
هــــتــــــــــلاقيني
مع
الأب الحيران
من تُـقل الحمل عليه
والمسئوليات زهقان
هــــتــــــــــلاقيني
عايش
بين الحب اللي انتهى قبل
مايتولد
بين الإمكانيات والظروف
الصعبة ...
والضحية
قلب بنت وقلب ولد
هــــتــــــــــلاقيني
مع
الفقير والمحتاج والضعيف
بين حياتهم واليأس خيط
خفيف
هــــتــــــــــلاقيني
جوه
زحمة الخلق
والسعى عل رزق
بس الرزق بتاع ربنا
واللي بنشوفه هو اللي
مكتوب لنا
هــــتــــــــــلاقيني
مع
الشباب اللي سافر
اللي إفتكرو إن السفر يمكن
يكون حل
إكتشفو إن الصعب عمره
مايكون سهل
والناس مفكراهم ياماهنا
ياماهناك
موش عارفين إن السفر هلاك
هلاك لصحتك وبـُعدك عن
أهلك وكفاية انها غربتك
هــــتــــــــــلاقيني
مع
البنت المتدينة المحترمة
اللي محافظة على نفسها
اللي بقى قليل تلاقي واحدة
زيها
هــــتــــــــــلاقيني
مع
الشاب الطموح
من غير مال زي قلب مجروح
هــــتــــــــــلاقيني
بنزل
مع كل دمعة حزينة
مع دنيا قاسية وحياه أليمة
هــــتــــــــــلاقيني
بحس
بالناس المحتاجة
مع اللي شقيان عشان القرش
واللي راكب بورش
أه
ياقلبي عندك حق
دنيـــــا
عجـــــب
فيها
ناس فــالســـو
وناس
ماتتـقـــــــال بــــدهــــــــب | |
|
الأسطورة
مشرفه
انثى عدد الرسائل : 202
العمر : 30
الموقع : www.eyes.alafdal.net
عارضة الطاقة :
المهنة : 
الهواية : 
علم بلدى :
الجنس : 
مزاجى اليوم : 
السٌّمعَة : 1
نقاط : 54575
تاريخ التسجيل : 13/01/2010
| | موضوع: رد: هتلاقينى كل دول أنا68مليون مصرى السبت 10 يوليو - 6:34 | |
| حلووووووووووووووة جداااااااااا
دا انت على كده الشعب كله
الله ينور يا باشااااااااااااااااا
تسلم الايادى
وانا هتلاقينى فى منتدى عيون الملاك
تحياتى:الأسطورة | |
|
