الحب يحدث طوال الوقت
و الاشتغالات ايضا تحدث طول الوقت
اساسا
فى ناس بتفتكر نفسها بتحب و هى اصلا بتشتغل نفسهاومفيش حوار حب ولا حاجة
طيب ازاى تعرف انك بتشتغل نفسك وانك مبتحبش"قال يعنى انت مش عارف"
هنا كمؤشر قوى و يكاد لا يخطىء
وهو انك اول ما هتسمع سيرة الجواز و حوار فى ناس عاوزين يتقدمولى بيكون رد فعلك
الحمدلله بركة اللى جت منك يا جامع
و انا مش هقدر اقف فى طريق مستقبلك ووتنتهى الحكاية بالنسبة لك على كدا"بييس" ؟
دا يعنى فى حالة اذا كنت فعلا احساسك خادعك ومصورلك انك بتحب لو عملت رد الفعل دا يبقى
اصحى فوق
انت بتشتغل نفسك
وبتتغرغر بالبنت اللى رابطها معاك
اما البنت الحلوة
"طبعا مما لا شك فيه انه طبقا لمقولة خالد الذكر حسام حسنى كل البنات بتحبك
كل البنات حلوين يتضح لنا ان مفيش بنت وحشة " وايضا انه لا يمكن ان تحبك
كل البنات ليه يعنى مهند !!
فمتى تاخدى قرارك بانك تعيشى حالة الانكسار و تقولى دا كان بيلعب بيا
هتواجهى بعض السيناريوهات
اولهم
انا بابايا متوفى وعاجز عن العمل وصمم يخطبلى بنت عمى
"اساسا هو مالوش اعمام و ابوه فى الحليج "
ثانيهم
انا عايز اعترفلك بحاجة وهو انى عندى مرض خطير خطير خطير ومش هقدر اتعسك معايا و تاخدى واحد زيى ليه
وهو انت لو عندك مرض خطير اكتشفته بعدما عيشتها فى اشتغالة مدتها كذا سنة!!
ثالثهم
الحقيقةانا جالى عقد عمل برا ومش هقدر اتقدملك دلوقتى "ولابعدين فى سرك " و هسافر سنة كدا ربنا يكرمنى وبعدين اتقدملك
طبعابتسافر و يجيلك فقدان ذاكرة وتنسى حكايتكم دى تماما
رابعهم
هيعاملك باسوأ ما يكون كأنه ينفض لمواعيدكم يتجاهل اى مناسبة خاصةاو عامة
او حتى 6 اكتوبر تخيلى حدميجبش لحبيبته هدية فى ستةاكتوبر ولا فى اول مايو
طيب!!
اضافه لانه اذا عبرك فى مرة و جه يقابلك
لازم تتخانقوا و لازم يقفش عليكى وكل اللى كان بيعجبه فيكى بقى مش عاجبه
ومش طايقك ولا طايق حواجبه حتى حوارتكم كلها هتبقى عبارة عن
ايه اللى مش لابساه دا او ايه اللى لابساه دا ايه دا وزنك زايد او ناقص
مكياجك كتير قليل شعرك مكتكت اوى كداليه !! "ماهو باين من تحت الحجاب انتى
نسيتى القصة ؟
خامسهم
انامش لاقى شغل ولا ليا نفس ادور على شغل ومعاييش شقة"بيبلطج اهوه" و سبت
البيت لابويا وامى اصلى بتخانق معاهم عشان اتجوزك بس انا حاسس كداهبقى
بظلمك معايا
سادسهم
انتى لسه مستنية سادسهم كمان
الصراحة هو له حق بقى يشتغلك
موضوع: إمتى تعرفى إن حبيبك عايز يخلع 
الأربعاء 12 يناير - 5:33
