آخاف لاقلت ( آلوو ) تخنقني العبره !

العبره اللي لها يومين تخنقني

خذيت منها على مر الزمن عبره

آفرح ليا بان وآحزن لا سلا عني
إلين ماصرت في دور الهوى خبره

تآمرني آنساك بنسى وش يمنعني !
لكن ليا جيت في بالي ( وش الدبره ) ؟

خذيتني سالي وداله ومتهني
ورميتني شاعرٍ ساهر على حبره

الله حسيبك على الضيقه معودني
ياكاسر الخاطر اللي شوفتك جبره

تطلب وآنفذ وآبي قربك وتجهلني
كني طلبتك تحفر البير بـ الأبره ..!

تقول : يامكرم القيفان تخدعني
وآقول : بعدك كفنه وغيرته قبره

طيفك على صدك وبعدك مصبرني
لو كان طيفك يشيل القلب من صبره

آمهلتني للزمن والوقت مهملني
ياحر كبدي على ( حاجات منثبره )

واللي سرق بالي وحيّره وآشغلني
طاريك لامر وش دخله بالنبره

موج الغلا يم سيف الشوق يدفعني
ياقرد حظي معى شفّي وياغبره

إليا طلبته يقول آسف وفارقني
اللي معى مايعل النفس ياكبره

ولا انت ياحزبة الضامي معذبني
متى نصادف طريقٍ نلتقي عبره ؟

آبتصل فيك لاا .. مانيب متعني ..!
آخاف لاقلت ( آلوو ) تخنقني العبره !

تسلم إيدك يا جميل

الله يسلمك